2026 жылғы қазан айына жеткізу жоспары бойынша «Шұбаркөл Көмір» АҚ коммуналдық-тұрмыстық көмірінің қосымша көлеміне арналған сауда-саттық сессияларын өткізу туралы

Осы арқылы «Каспий» Тауар биржасы» АҚ Сауда департаменті «Шұбаркөл Көмір» АҚ-ның 2026 жылғы 05 тамыздағы № 01-6-2302 шығыс хаты негізінде және Қазақстан Республикасы Ұлттық экономика министрі міндетін атқарушының 2015 жылғы 30 наурыздағы № 280 бұйрығымен бекітілген Биржалық сауда қағидаларының 25-тарауына сәйкес коммуналдық-тұрмыстық көмір саудасына қатысушылардың назарына 2026 жылғы қазан айына жеткізу жоспары бойынша қосымша көлемді өткізуге арналған сауда-саттық сессияларының басталатынын жеткізеді.

Сауда-саттық сессиялары 2026 жылғы 13 тамыздан 19 тамызға дейінгі бес сауда күні ішінде, Астана қаласының уақыты бойынша сағат 11:00-ден 12:00-ге дейін өткізіледі.

Сауда келесі сауда құралдары бойынша өткізіледі:

CL8FCSKS – Павлодар облысы (30 лот)

CL8FCTKS – Солтүстік Қазақстан облысы (30 лот)

Келесі техникалық сипаттамалармен – ДВ кіші тобының Д маркалы сұрыпталған (50–300 мм) коммуналдық-тұрмыстық көмірі, күлділігі төмен, ҚР СТ 1526-1-2022, лот мөлшері – 335 тонна, төлем шарттары – тиеу айы басталғанға дейін кемінде 20 күнтізбелік күн бұрын 100% алдын ала төлем, алдын ала қамтамасыз ету – шартқа қол қойылған күннен бастап 5 жұмыс күні ішінде 1%, жеткізу мерзімі – Т+3 ай (мұнда Т – мәміле жасалған күн), жеткізу шарты – FCA, жеткізу базисі – Қызылжар станциясы/Шұбаркөл станциясы (KS). 2026 жылға арналған коммуналдық-тұрмыстық көмірді жеткізудің болжамды жоспарымен www.ccx.kz сайтындағы «Көмір» – «Нарық және қорытындылар» – «Жеткізу жоспары» бөлімінде танысуға болады.

Барлық сауда құралдары бойынша бірінші сауда-саттық сессиясындағы базалық баға ҚҚС-пен бірге тоннасына 9 392,52 теңгені (Тоғыз мың үш жүз тоқсан екі теңге 52 тиын) құрайды.

Өтінімнің ең жоғары бағасы 9 486,45 теңге (Тоғыз мың төрт жүз сексен алты теңге 45 тиын).

Өтінімнің ең жоғары көлемі – 3 лоттан (1005 тонна) аспайды.

Өндірістік жоспардың ұзақ уақыт келісілетініне байланысты жеткізу басталатын ай ретінде 2026 жылғы қазан айы қабылданады.

Дереккөз: Товарная биржа Каспий