2026 жылғы қыркүйек айына жеткізумен «Шұбаркөл Көмір» АҚ коммуналдық-тұрмыстық көмірі бойынша қосымша сауда сессиясын өткізу туралы

Осы арқылы «Каспий» Тауар Биржасы» АҚ Сауда бөлімі «Шұбаркөл Көмір» АҚ-ның 2026 жылғы 14 шілдедегі № 01.6-2052 шығыс хатының және «Qazinvest Inc.» ЖШС-нің 2026 жылғы 14 шілдедегі хатының негізінде, сондай-ақ Қазақстан Республикасы Ұлттық экономика министрінің міндетін атқарушысының 2015 жылғы 30 наурыздағы № 280 бұйрығымен бекітілген Биржалық сауда қағидаларының 60-тармағына сәйкес коммуналдық-тұрмыстық көмір саудасына қатысушылардың барлығына 2026 жылғы 14 шілдеде CL13FCQKS сауда құралы бойынша жасалған CCX-CL13-33967 биржалық мәміленің күшін жою, сондай-ақ аталған мәміле көлеміндегі коммуналдық-тұрмыстық көмірді 2026 жылғы қыркүйек айына жеткізу жоспары бойынша қайта саудаға шығару мақсатында қосымша сауда сессиясының өткізілетіні туралы хабарлайды.

Қосымша сауда сессиясы 2026 жылғы 23 шілдеде Астана қаласының уақыты бойынша 12:00-ден 13:00-ге дейін өткізіледі.

Сауда келесі сауда құралы бойынша жүргізіледі:

CL13FCQKS – Қазақстан Республикасы (1 лот).

Келесі техникалық сипаттамалармен:

ДВ кіші тобының Д маркалы қатардағы көмірі (0–300 мм), халықтың тұрмыстық қажеттіліктеріне арналған, күлділігі төмен, СТ РК 1526-1-2022.

Лот көлемі – 276 тонна.

Төлем шарттары – жөнелту айы басталғанға дейін кемінде 20 күнтізбелік күн бұрын 100% алдын ала төлем, сондай-ақ шартқа қол қойылған күннен бастап 5 жұмыс күні ішінде 1% мөлшерінде алдын ала қамтамасыз ету енгізіледі.

Жеткізу мерзімі – Т+3 ай (мұндағы Т – мәміле жасалған күн).

Жеткізу шарттары – FCA.

Жеткізу базисі – Қызылжар станциясы / Шұбаркөл станциясы (KS).

Қосымша сауда сессиясындағы базалық баға ҚҚС-пен қоса есептегенде бір тонна үшін 8 908,80 теңгені (Сегіз мың тоғыз жүз сегіз теңге 80 тиын) құрайды.

Өтінімнің ең жоғары бағасы – 8 997,89 теңге (Сегіз мың тоғыз жүз тоқсан жеті теңге 89 тиын).

Өтінімнің ең жоғары көлемі – 3 лоттан (828 тоннадан) аспайды.

Қазақстан Республикасына жеткізілетін коммуналдық-тұрмыстық көмірді жөнелту Биржалық сауда қағидаларының 235-тармағына сәйкес, атап айтқанда, коммуналдық-тұрмыстық көмірдің өңірлік көмір операторларының тізбесіне сәйкес көмір операторлары тіркелген өңірлерге жүзеге асырылады.

Дереккөз: Товарная биржа Каспий