websfm порталында тестілеу сервисінің іске қосылуы туралы

Осы арқылы «Каспий» Тауар Биржасы» АҚ Қазақстан Республикасы Бәсекелестікті қорғау және дамыту агенттігінің 2026 жылғы 19 наурыздағы № 01-11/638-И хатына сәйкес биржада аккредиттелген барлық брокерлерге (қолданыстағы және уақытша тоқтатылғандарды қоса алғанда), сондай-ақ клирингтік орталықтарға websfm порталында қылмыстық жолмен алынған кірістерді заңдастыруға (жылыстатуға) қарсы іс-қимыл, терроризмді қаржыландыру және жаппай қырып-жою қаруын таратуды қаржыландыру (ҚЖ/ТҚ/ҚЖТҚҚ) саласындағы Қазақстан Республикасының заңнамасын білуге арналған тестілеу сервисінің іске қосылғаны туралы хабарлайды.

Тестілеуден өту үшін қаржылық мониторинг субъектілері websfm порталындағы жеке кабинетте авторизациядан өтіп, «Тестілеу» бөліміне өтуі қажет.

Порталда авторизациядан өтпеген пайдаланушылар (қаржылық мониторинг субъектілері болып табылмайтын тұлғалар) порталдың басты бетінде орналастырылған сілтеме арқылы тестілеуге тіркеле алады.

Қосымша хабарлаймыз, 2026 жылғы наурыз айынан бастап Қазақстан Республикасы Президентінің жанындағы Мемлекеттік басқару академиясында және оның аумақтық бөлімшелерінде ҚЖ/ТҚ/ҚЖТҚҚ бойынша тестілеуді қабылдау тоқтатылды. Бұл ретте 2026 жылғы 6 наурызға дейін Академияда тапсырылған тестілеу нәтижелері жарамды деп танылады.

Дереккөз: Товарная биржа Каспий