«Шұбаркөл көмір» АҚ-ның 2027 жылғы қаңтарда жеткізілетін коммуналдық-тұрмыстық көмірі бойынша қосымша сауда сессиясын өткізу туралы

«Каспий» тауар биржасы» АҚ-ның Сауда бөлімі «Шұбаркөл көмір» АҚ-ның 2026 жылғы 2 қарашадағы № 01.6-3313 шығыс хаты негізінде және Қазақстан Республикасы Ұлттық экономика министрінің міндетін атқарушының 2015 жылғы 30 наурыздағы № 280 бұйрығымен бекітілген Биржалық сауда қағидаларының 25-тарауына сәйкес коммуналдық-тұрмыстық көмір саудасына қатысушылардың барлығына 2027 жылғы қаңтарға арналған жеткізу жоспары бойынша сатылмаған коммуналдық-тұрмыстық көмір көлемдері бойынша қосымша сауда сессиясы өткізілетіні туралы хабарлайды.

Сауда сессиясы 2026 жылғы 10 қарашада Астана қаласының уақытымен сағат 11:00-ден 12:00-ге дейін өткізіледі.

Сауда-саттық мынадай сауда құралы бойынша өткізіледі:

CL6FCQKS — Қазақстан Республикасы (52 лот).

Көмірдің техникалық сипаттамалары:

Халықтың тұрмыстық қажеттіліктеріне арналған, күлділігі төмен, Д маркалы, ДВ кіші тобына жататын қатардағы көмір (0–300 мм), ҚР СТ 1526-1-2022.

Лот мөлшері — 345 тонна. Төлем шарттары — тиеу айы басталғанға дейін кемінде 20 күнтізбелік күн бұрын 100% алдын ала төлем жасау. Алдын ала қамтамасыз ету — шартқа қол қойылған күннен бастап 5 жұмыс күні ішінде 1% мөлшерінде. Жеткізу мерзімі — T+3 ай (мұндағы T — мәміле жасалған күн). Жеткізу шарттары — FCA. Жеткізу базисі — Қызылжар станциясы/Шұбаркөл станциясы (KS).

2027 жылға арналған коммуналдық-тұрмыстық көмір жеткізудің болжамды жоспарымен www.ccx.kz сайтындағы «Көмір» – «Нарық және қорытындылар» – «Жеткізу жоспары» бөлімінде танысуға болады.

Осы сауда құралы бойынша қосымша сауда сессиясындағы базалық баға ҚҚС-ты ескере отырып, тоннасына 9 683,68 (Тоғыз мың алты жүз сексен үш теңге 68 тиын) болады.

Өтінімнің ең жоғары бағасы тоннасына 9 780,52 (Тоғыз мың жеті жүз сексен теңге 52 тиын) болады.

Өтінімнің ең жоғары мөлшері — 3 лоттан (1 035 тоннадан) аспайды.

Қазақстан Республикасына жеткізілетін коммуналдық-тұрмыстық көмірді тиеу Биржалық сауда қағидаларының 235-тармағына сәйкес, атап айтқанда коммуналдық-тұрмыстық көмірдің өңірлік көмір операторлары тізбесіне сәйкес көмір операторлары тіркелген өңірлерге жүзеге асырылады.

Дереккөз: Товарная биржа Каспий